என் உள்ளங்கை கதகதப்பன்றி தருவதற்கு என்னிடம் என்ன இருக்கிறது?

அழுந்திப் பதிந்த தடங்களின் வழி

பொசியும் நீரின்

கதைகேட்டுக் குமைந்து

பிணங்களோடு படுத்துறங்கி

கனவின் மார்பில் கால் உதைத்து எழுந்து

நள்ளிரவின் சுவர்களில்

அலறி அடிந்து

நகங்களில் கசியும்

குருதியை அடக்கி கீழுதட்டைக் கடித்துக வலி மறைக்கும் வித்தைகளைக் கற்றதெல்லாம் உன்னிடமிருந்து

என்று நான் சொல்லும்

மொழி புரியுமா எனத் திகைத்துச்சொல்லும்

வார்த்தைகளின் நிணத்தில்

தோய்த்தெடுத்த இதம்.

மின்னலை விழுங்கி

உயிர்த்த குழந்தை நீ.