அந்த நதி ஓடிக்கொண்டிருக்கிறது

வெறுப்பின் வழி உன்னை வந்தடைந்ததாய் சொன்னாய்.

தாயின் மடியை மூத்திரத்தால் நனைக்கும் குழந்தை.

தாய் நீ.

பேசும்போது உன் முகம் பார்த்துபேசுவதில்லை என்று கோபித்தாய்.

கடவுளின் முகம்

யாரும் பார்த்தில்லை சகி

இறை நீ.

உன்னிடம் பேசியபிறகு

மரியாதைக்கான அடையாளமாய்த்

தேங்கிநிற்கும்

சில கண்ணீர்த்துளிகள்

வலி நீ.

எப்போதேனும் உன் மீது

கல்லெறிந்து பார்க்க

ஆசை வரும்.

நதி நீ.