கொலைவேட்கை

ஒரு கொலைசெய்ய என்னை அனுமதி.
இன்றிரவுக்குள் நான் யாரையாவது
கொலைசெய்யவேண்டும்
குறைந்தபட்சம் என்னையாவது.
ஜன்னல்களை உடைத்தெறி.
காற்றெதுவும் வரத்தேவையில்லை.
இப்போது தேவையெல்லாம்
புழுக்கம் நிறைந்த ஒரு கொலைமட்டுமே.
நீ ஒரு புத்தகக்காட்சிக்கு
அழைத்துச் சென்றாய்.
புத்தகங்களும் என்னைக்
கொலைக்குத் தூண்டின.
அப்துல்கலாம், சுந்தரராமசாமி,
சந்திரசேகர சுவாமிகள்பாடு
அட்டைப்படங்கள் வேறென்ன செய்யம்?
உன்னை எனக்குப் பிடிக்கும்தான்.
ஆனாலும் உன்னையாவது
கொலைசெய்ய விரும்புகிறேன்.
நீ சுந்தரராமசாமியின்
ரசிகையாக இருப்பதற்காவது.